ԽՈՐՀՐԴԱՎՈՐ NISSAN-Ը ագրեսիվ և նրբագեղ
Հեղինակավոր ապրանքանիշերի արտադրած ցանկացած ավտոմեքենա անմիջապես հայտնվում է ուշադրության կենտրոնում: Այդուհանդերձ, հեշտ չէ դառնալ սեզոնի ֆավորիտ, եթե ավտոմեքենայի, այն էլ` էքսկլյուզիվ նմուշի վրա Nissan ապրանքանշանը չէ: Այս ընկերության վերջին արտադրանքը` Nissan GT-R SpecV-ն, ավտոսիրողները բնորոշում են որպես խորհրդավոր մեքենա: SpecV-ին խորհրդավորություն են հաղորդում ոչ միայն տեսքը, այլև իրեն առնչվող տեղեկատվության սակավությունը:
Առայժմ հայտնի է միայն, որ SpecV-ի ամենամեծ առավելություններից մեկը տեխնոլոգիական ցուցիչներն են: Արագաշարժությունն այս մեքենայի պարագայում նաև թեթևության շնորհիվ է: Մեքենան պատրաստող թիմը երկար ժամանակ է ծախսել հատկապես ներքին լուսավորությունն ապահովելու համար: Մեքենայի ագրեսիվ արտաքին դիզայնը հակադրվում է նրբագեղ  ինտերյերին, և հենց այս հակադրությունն էլ գրավում է շքեղ մեքենաների սիրահարներին: Հիացնում է նաև կաշվի ու թանկարժեք նյութերի համադրությունը: Բնական, բարձրորակ կաշին կիպ գրկում է նստելատեղերը: Արդեն իսկ պարզ է, որ մեքենան ստեղծողները չեն պատրաստվում այն հանել սերիական արտադրության: SpecV-ն վաճառքում կլինի հավանաբար այս ամսից` շուրջ 170 000 դոլար արժեքով:
|
