Աստղային վարդավար
Ջուր. ամռան այս տապին երազում եք նրա մասին, անհամբեր սպասում եք, թե երբ է վերջապես գալու Վարդավառը, որ մի լավ ջրվեք ու հաճույք ստանաք դրանից...
Ուրեմն` նայեք, ՙնախանձեք՚ ու օրինակ վերցրեք, քանզի հայկական շոու-բիզնեսն արդեն հասցրել է ոտքից գլուխ թրջվել: Որքան հեշտ է հիմա գրել այդ մասին, մինչդեռ գիտեք` ի’նչ է նշանակում լուսանկարել 28 շատ զբաղված մարդկանց, այն էլ` նման յուրօրինակ ֆոտոշարքում:
Հաստատ կհամաձայնեք, որ հատուկ վարսահարդարմամբ, դիմահարդարմամբ ու բրենդային հագուստով մեր հերոսների ֆոտոպատմություններից հետո նրանց համար այնքան էլ հեշտ չէր ֆոտոխցիկի առջև կանգնելը` ջրի սառնությունից հանկարծակիի եկած և դեմքի տարօրինակ արտահայտությամբ:
Բայց... viva մեր աստղերին և նրանց բոլոր կամակորությունները ՙհանգստությամբ՚ հանդուրժող Արա Ասլանյանին, Առնոս Մարտիրոսյանին ու նրանց օգնող ողջ անձնակազմին, քանզի աստղային Վարդավառն այլևս իրականություն է...