ԱՐԾԱԹԻ ԵԳԻՊՏԱԿԱՆ ՀՐԱՊՈւՅՐՆԵՐԸ

Եգիպտական խորհրդավոր գեղեցկության ու հոլիվուդյան փայլի սինթեզ կարելի է համարել արծաթյա զարդեղենի այս հավաքածուն, որը վերջերս ընդգրկվեց Լոնդոնի խոշորագույն ցուցահանդես-վաճառքներից մեկում:

Այն եգիպտական աշխարհահռչակ բրենդ Azza Fahmy-ի և բրիտանացի անվանի դիզայներ Ջուլիեն Մաքդոնալդի համատեղ աշխատանքի արդյունքն է: Էթնո ոճով ստեղծված այս շարքը, պահպանելով հնագույն եգիպտական արվեստը, միաժամանակ նրբորեն ենթարկվում է Ջուլիեն Մաքդոնալդի նորարարական շնչին: Լոնդոնի նորաձևության շաբաթին մասնակցելուց հետո հավաքածուն այսօր ցուցադրվում է Մաքդոնալդի Kabiri բուտիկում:

Թե' Մաքդոնալդը, թե' Azza Fahmy-ն առհասարակ արծաթեղենին նախապատվություն տալը համարում են բարձրաշխարհիկության նշան, իսկ ՙերբ ազնվազարմ մետաղը ներկայացված է հնի նորագույն դրվագումներով, ճշմարիտ ճաշակը չի դիմանա գրավչությանը՚: