ՆՈՐՈՒԹՅՈւՆՆԵՐ

FASHION

ԺԱՄԱՆՑ

ԿԱՐԻԵՐԱ








TISSOT GENEROSI-T
ԺԱՄԱՑՈւՅՑ` ՆՐԲԱԳԵՂ ԿԱՆԱՆՑ ՀԱՄԱՐ


Tissot ընկերության վերջին` Generosi-T մոդելը ոճային հակասության նոր ու զարմանալի մարմնացում է:

Դրա պարզ, լակոնիկ դիզայնն աննկատելիորեն համադրվում է թե' թանկարժեք մետաղների և թե' ժամանակակից տեխնոլոգիաների հետ: Իսկ մյուս կողմից դասական համարվող ուղղանկյուն թվատախտակն այս ժամացույցում համալրված է նրբաճաշակ աղեղնաձև լուծումներով:

Generosi-T մոդելը կատարյալի և ոճային զսպվածության հանդիպում է 3 գույների ներքո` սև, սպիտակ, կարմիր: Ժամացույցի կերպասե կապիչների սպիտակն անմեղության խորհուրդ ունի, կարմիրը` կենսական ուժի, եռանդի, իսկ սևը` խորհրդավորության: Generosi-T-ն իսկական ժամանակակից կնոջ ժամացույց է, այն կնոջ, ով հպարտ է իր կանացիությամբ, բայց և պատրաստ է անակնկալների:


Ընկերության տնօրինության կարծիքով` հենց այդպիսին է Բոլիվուդի նորահայտ աստղ` դերասանուհի և մոդել Դիպիկա Պադուկոնը: Պայմանագրի համաձայն` նա պետք է լինի Tissot-ի դեմքն ինչպես Հնդկաստանում, այնպես էլ ամբողջ աշխարհում:




Պադուկոնն իր հերթին միշտ մեծ համակրանք է տածել Tissot-ի հանդեպ` հաշվի առնելով նրա 154-ամյա պատմությունը: Որպես նրբաճաշակ կին` դերասանուհին հիացած է հատկապես կանանց համար վերջին հավաքածուով` այնտեղ ընդգրկված ժամացույցները համարելով նրբագեղ կնոջ համապատասխան նորաձև աքսեսուար:



ԲԱՐԱՔ ՕԲԱՄԱՅԻ ԹԱՆԿԱՐԺԵՔ ԸՆԾԱՆ
Գոհաբանության օրը վաղուց անցյալում է, սակայն Միացյալ Նահանգների նորընտիր նախագահ Բարաք Օբամային չի լքում տոնական տրամադրությունը: Նախագահը երախտագիտություն է հայտնել Միշել Օբամային և, արդեն որպես երկրի ղեկավար, նրան մատուցել իր առաջին նվերը` 30 000 դոլար արժողությամμ մի թևնոց` նախընտրական երկարատև քարոզարշավում իրեն աջակցելու և խորհուրդներով օգնելու համար:


ՆՈՐԱՁԵՎ ԿԱՀՈւՅՔ` ՄԱՐԿԱՏՈՅԻՑ
Եթե ձեր տանը միմիայն ինքնատիպ, անսովոր ու, միաժամանակ, բարձրարժեք կահույք է տեղադրված, ուրեմն իտալացի դիզայներ Լուչիանո Մարկատոյի ստեղծած աթոռների նոր հավաքածուն, վստահաբար, ձեզ կհետաքրքրի:


ԿԱՇԵՊԱՏ ՇԱԽՄԱՏ
Կաշեպատ այս շախմատը դիզայն եր Դալ Նեգրոյի մտահղացումն է: Նրա ստեղծած նրբակերտ խաղաքարերը տրամադրում են երկարատև ու հաճելի մրցակցության: