ՄԵՐ ՄԱՍԻՆ

Editorial
Հաղթանակի ոգով

Մեր ամսագրի յոթնամյա պատմության ընթացքում պարբերաբար անդրադարձել ենք շոուբիզնեսի ներկայացուցիչներին, աշխարհահռչակ հայ ազգի մարզիկներին,մեր ժողովրդի սիրված ու ճանաչված մյուս գործիչներին: ԷԼStyleի առանձնահատկություններից մեկն էլ այն է, որ հանրությանն արդեն իսկ քաջ ծանոթ մարդկանց ամեն անգամ ներկայացնումէ բոլորովին նոր, անսովոր, հետաքրքիր կերպարներում` հաճելիորեն զարմացնելով թե ’ իր ընթերցողներին, թե հենց ֆոտոպատմության հերոսներին:

Այս համարում մենք որոշեցինք ներկայացնել Հայկ Մարգարյանին` նույն ինքը ՀՏ Հայկոյին: Սակայն ծանոթ լինելով ՀՏ Հայկոյի երաժշտությանը, աշխարհայացքին ու խառնվածքին` այս անգամ որոշեցինք շապիկի հերոսին ներկայացնել իր բնական կերպարում, կնոջ` Սյուզիի հետ, ով, իդեպ, պրոֆեսիոնալ մոդելներից ոչ պակաս համարձակ ու արտիստիկէր: Ֆոտոշարքից, կարծում եմ, ձեզ արդեն պարզ դարձավ, որ
նկարահանումների ողջ ընթացքը բավականին էքստրեմալ էր ու փորձություններով լի: Այդ իսկ պատճառով ցանկանում եմ հիացմունքս արտահայտել այս զույգին` իրենց պրոֆեսիոնալիզմի, համբերատարության և կատարած աշխատանքի համար: Այսօր ԷԼStyle ը հաճախ է անդրադառնում այնպիսի լուրջ ու ծանրակշիռ թեմաների, ինչպիսիք, թերևս, այնքանէլ հաճախ չեն հանդիպում գլյանցային ամսագրերում:

Դրանով մենք նպատակ ունեն քչանտեսել մեր հասարակության նաև ընթերցասեր հատվածի հետաքրքրությունները և պարբերաբար ներկայացնել տվյալ ժամանակամիջոցին համահունչ և ուշագրավ թեմաների շուրջ հրապարակումներ: