Խելահեղ գարնան Top 5 գլխապտույտ բույրերը

 

 

Գարնան բույրը… ինչպիսին է այն. թեթև, ռոմանտիկ, հյութեղ, թարմ, մաքուր…Շատերի մոտ այն ասոցացվում է երիտասարդության հետ. ոգեշնչող է, տրամադրող… այս անգամ որոշեցինք անդրադառնալ 5 արդեն դասական դարձած գարնանային բույրերին, ինչպես նաև 5 նոր բույրերի, որոնք լիովին բնութագրում են 2012-ի գարունը:

 

 

Nina Ricci-L’Air du Temps

Դասականների շարքը բացում է Nina Ricci-ի L’Air du Temps-ը: Հանգիստ, ազատ, նուրբ…այսպես կարելի է բնութագրել այս բույրը կրող կնոջը:

1948-ին Ռոբերտ Րիչչին ստեղծեց լեգենդար այս բույրն, առանց գիտակցելու, որ ստեղծում է մոգական բանաձև, բույր, որ կարտացոլի միլիոնավոր կանանց հոգին, բույր, որի անվանումն արդեն իսկ գլուխգործոց է…անցել են տարիներ, իսկ L’Air du Temps-ը շարունակում է մնալ կանացի, էլեգանտ ու միշտ ակտուալ:

Վերին նորաները` սանդալ, մուսկուս, բերգամոտ, իրիս

Բազային նոտաները` մեխակ, վարդ, մանուշակ, հասմիկ, գարդենիա

 

 

 

 

 

 

Givenchy - Ysatis 

 

 

Estee Lauder-Alliage

Լեգենդի վերադարձը` Alliage-ը Estee Lauder-ի կողմից առաջարկված առաջին սպորտային բույրն է: 1972-ին այս բույրն իսկական իրարանցում ստեղծեց: Անզուսպ. ձգող և անսահման կանացի օծանելիք, որն այն ժամանակ ձգտում էր ունենալ յուրաքանչյուր կին: Այս բույրը կարելի է ասել հեղափոխություն էր այդ շրջանում: Մինչ օրս սյն շարունակում է գլխավորել դասականների շարքը: 

Վերին նոտաները` թարմ կանաչի նոտաներ, ցիտրուսային սառնություն, վարդի թերթիկներ

Բազային նոտաները` կեդր, հասմիկ

 

 

 

 

Yves Saint Laurent - Paris

 

Paris` բույր, որ կանանց գիտակ, մեծագույն դիզայներ Yves Saint Laurent –ը ստեղծեց 1983-ին և նվիրեց այն սիրո ու անսահման ռոմանտիկայի քաղաքին`Փարիզին: Գայթակղիչ բույր, որ ստեղծված է էլեգանտ, շքեղ, ազդեցիկ կնոջ համար: Այս բույրը նման է ռոմանտիկ սիմֆոնիայի, գերազանց ընտրված 232 նոտաները ստեղծում են դյութիչ, կախարդական բույր: Օծանելիքում միախառնված են միանգամից մի քանի տարբեր տեսակի վարադերի բույրեր, ինչը դրան հաղորդում է անսահման խորություն, տաքություն և ձգողություն:

Վերին նոտաները` կեդր, բերգամոտ, վարդ, մանուշակ, իրիս

Բազայիննոտաներ` միմոզա, հելիոտրոպ, ալոճենի

 

 

 

 

 

 

Guy Laroche - Fidji

 

Ժամանակին Guy Laroche-ն ստեղծեց բույր, որ համապատասխանում էր իրական կնոջ իր իդեալին: Fidji-ն սազական է խորամանկ, արկածասեր, ռոմանտիկ ու կենսուրախ կնոջը: Սա նուրբ ծաղկային բույր է, որ ստացել է իր անվանումը Ֆիջի կղզու պատվին: Դրա վերին նոտաներում արտացոլվում է տրոպիկական մրգերի և բույսերի մեղմ խարնուրդը: Fidji-ն շատ պրակտիկ է, այն տեղին է կրել թե' ցերեկվա ժամերին`գործնական հանդիպմանը, թե' երեկոյան շքեղ ընթրիքին:

Վերին նոտաները` սանդալ, մուսկուս, բերգամոտ, վարդ, մանուշակ, հասմիկ

Բազայիննոտաներ` լիմոն, մեխակ, իրիս, քաղցրանյութեր

 

 

 

 

 

Nina Ricci-Nina Fantasy

Այժմ փոքրիկ անրադարձ  մեր օրերի հիթային բույրերին: 2012-ի գարնան ամենաակտուալ բույրերի շարքը բացում է Nina Ricci-ի Nina Fantasy-ն: Դրա վերին նոտաները համլրում են  քաղցր ու թարմ բերգամոտի, մանդարինի և տանձի մեղմ խարնուրդ: Բազային նոտաները հագեցած են վարդի, հասմիկի և բալի ծաղիկների գլխապտույտ բույրերով: Nina Fantasy-ն առանձնահատուկ է նրանով, որ դրա վրա աշխատել են մեր օրերի 2 ամենաանվանի պարֆյումերները: Նրանց հավաստմամաբ այս օծանելիքը տարիքային պարտադրումներ չունի և սազական է թե երիտասրդ աղջկան, թե հասուն կնոջը:

 

 

 

 

 

 

 

Avon -  Infinite Moment

 

Avon-ը ձեր դատին է հանձնում իր նոր, հիրավի գարնանային բույրը` Infinite Moment-ը: Սա բավականին հարուստ ծաղկային խարնուրդ է, արևելյան ճոխության փոքր ակնարկով: Օծանելիքի բազային նոտաները կազմում են մանուշակը, հասմիկը, վանիլը, սպիտակ մուսկուսը, ցիտրուսը և մեղմ արտահայտված բուսական երանգները: Օծանելիքըի գովազդային դեմքն է սիրված երգչուհի Վեռա Բրեժնեվան:

 

 

 

 

 

 

Guerlain - Aqua Allegoria Lys Soleia

 

Գարնան բույրերի շարքում է նաև Aqua Allegoria Lys Soleia-ն Guerlain-ից: Այն իրենից ներկայացնում է թեթևության և թարմության խարնուրդ: Այս բույրը հիշեցնում է գարնանային այգում կայացած ռոմանտիկ հանդիպման մասին: Այն իր մեջ կրում է երիտասարդության ու մաքրության շունչը: Այն նման է փիրուզագույն ծովերից եկող թեթև ու մեղմ քամու: Բազային նոտաներում կրում է վանիլ, արևային մուսկուս, բերգամոտ, լիմոն, արմավենու թուփ, լիլիա և սպիտակ ծաղիկներ…

 

 

 

 

 

White Lilac & Rhubarb - Jo Malone

White Lilac & Rhubarb նոր գարնանային բույրը` Jo Malone-ը, ստեղծված է հրապուրելու և կախարդելու իր մեծ ծաղկային փնջի ամենատարբեր երանգներով: Դրա վերին նոտաները համլրում են մի քանի տեսակ վեարդերի, լիլիայի, կասաբլանկայի և մեղմ բուսական էլեմենտների խարնուրդ: 

 

 

 

Francois Demachy - Miss Dior Eau Fraiche

 

Պարֆյումեր Francois Demachy-ն ստեղծեց Miss Dior Eau Fraiche-ը հատուկ Dior-իհամար: Այն կտրուկ տարբերվում է  Miss Dior շարքի բոլոր մինչ այս թողարկված բույրերից: Նոր բույրն ավելի կանացի է, ավելի նրբագեղ, ավելի զգայուն: Վերին նոտաները կազմում են ցիտրուսները, հասմիկը, բերգամոտը, գարդենիան...Այս օծանելիքի գովազդային դեմքը շարունակում է մնալ օսկարակիր Նաթալի Փորթմանը: