PARIS HAUTE COUTURE SPRING 2012.
ԵՐՐՈՐԴ ՕՐ
Elie Saab, Jean Paul Gaultier, Valentino
Elie Saab վերջերս ավելի ու ավելի հաճախ կարելի է հանդիպել "կարմիր գորգին", լիբանանցի դիզայների աշխատանքները favorite են ամենահայտնի կանանց համար: Այս անգամ նույնպես նա ետ չմնաց իր սկզբունքներից և ներկայացրեց չափազանց կանացի, նուրբ երանգներով, կիսաթափանցիկ ու եթերային հավաքածու:
Jean Paul Gaultier-ն ներկայացրեց Էմի Ուայնհաուսին նվիրված հավաքածու, որտեղ կերպարներից յուրաքանչյուրում զգացվում էր երգչուհու շունչը: Նրան բնորոշ սանրվածքը, աչքերի "սլաքները", համեմված վառ ու նորաձև հագուստով, հիացրին նորաձևության սիրահարներին, բայց ոչ Ուայնհաուսի հորը: Վերջինս բողոքել էր, թե իր աղջկան համապատասխան չէ այս ցուցադրությունը, հատկապես ծխախոտով մոդելը, ով Ուայնհաուսի վատ ժամանակներն էր ներկայացնում և, որ Գոթյեն պարզապես ցանկանում է գումար աշխատել իր աղջկա անվան հաշվին:
19-րդ դարին բնորոշ դետալներով հավաքածու ներկայացրին Valentino-ի դիզայներները: Օգտագործելով մեղմ երանգներ ու նուրբ գործվածքներ, նրանք փորձել են ստանալ մերօրյա արքայադտսեր կերպար:
